Swydd Newydd: Swyddog Hyrwyddo a Marchnata Cymraeg i Bawb - Rhanbarth y De Ddwyrain

Price: Free

Cyflog: £28,000-£32,000

Oriau gwaith: Llawn amser – 37 awr

Lleoliad: Gweithio hyblyg o adref ac o swyddfa Menter Iaith Sir Caerffili, Porth Tredomen, Ystrad Mynach, Caerffili, CF82 7EH

Rydym yn chwilio am Swyddog Cyfathrebu a Marchnata creadigol a threfnus iawn i gefnogi Partneriaeth Cymraeg i Bawb. Rôl y Bartneriaeth yw hyrwyddo addysg Gymraeg ar draws 10 awdurdod lleol y De Ddwyrain. Mae hwn yn gyfle cyffrous i weithiwr proffesiynol cyfathrebu dwyieithog gymryd yr awenau wrth hyrwyddo ein gwaith ar draws gwahanol lwyfannau digidol. 

Byddwch yn gyfrifol am y gwaith dyddiol o gynllunio, creu a rhannu cynnwys ar draws llwyfannau cyfryngau cymdeithasol Cymraeg i Bawb (gan gynnwys YouTube, Facebook, X/Twitter, Instagram, TikTok, Bluesky, ac eraill fel y bo'n berthnasol) yn Gymraeg a Saesneg. 

Byddwch hefyd yn helpu i gynnal a diweddaru cynnwys ein gwefan yn rheolaidd, gan sicrhau ei fod yn parhau i fod yn hygyrch, yn ddiddorol ac yn gyfredol. 

Yn ogystal, byddwch yn cynorthwyo'r Bartneriaeth i ddatblygu a pharatoi cynigion cyllid, gan helpu i sicrhau twf ac effaith barhaus gweithgareddau Cymraeg i Bawb.

Dyddiad cau: 5:00yh ar Fehefin 19eg

Cyfweliadau: Mehefin 24ain

I wneud cais:

I gael rhagor o wybodaeth a swydd ddisgrifiad neu sgwrs anffurfiol am y rôl, cysylltwch â:  Lowri Jones – 01443 820913/lowrijones@mentercaerffili.cymru

Anfonwch eich CV a llythyr eglurhaol, gan egluro sut rydych chi'n bodloni manyleb y person, i: lowrijones@mentercaerffili.cymru

01443 820913 

www.mentercaerffili.cymru